(تابع) خطاب الرئيس محمد أنور السادات، في مجلس الشعب، 21 / 1 / 1978
المصدر: "مجموعة خطب وأحاديث الرئيس محمد أنور السادات، في الفترة من يناير إلى يونيه 1978، الهيئة العامة للاستعلامات، ص 77 - 103"

أن مصر لا تريد السلام طيب ما دام حصلت موافقة على جدول الأعمال اللى وافقنا عليه تلقى وزير الخارجية محمد ابراهيم كامل التعليمات اللازمة أمام مجلس الأمن القومى كله وبحضوره وسافر وبدأت الاجتماعات في القدس.

منطق غريب.

           ومن أول يوم أستمعت لجلسة الافتتاح في جلسة الافتتاح تحدث ديان بوصفه وزير خارجية اسرائيل وبوصفه رئيس الاجتماع باعتبار زى ما أحنا عارفين أن الدولة المضيفة بترأس الاجتماع. وفي حديثه قال كلام طيب جدا ولكن وصل إلى النقطة اللى قال فيها انه احنا مستعدين نناقش كل شىء وكل شيء خاضع للمفاوضات وللمناقشة واحنا عاوزين السلام و.. و.. الخ. وبعدين قال انه في كل مفاوضات المفاوضين بيقتربوا إلى أن يصلوا مع بعض إلى منتصف الطريق هو بهذا ينبغى أنه مفاوض يفرض أو طرف يفرض على الطرف الآخر أى شيء أنه جاهزين لهذا وأنه يعنى كل شيء ممكن المفاوضة فيه ويصلوا إلى منتصف الطريق.

          طيب،.. اسرائيل حتصل إلى منتصف الطريق بايه؟ طيب ما هيه على أرضنا ده حتى لو راح لثلاثة أرباع الطريق برضه حيبقى واخد حته من أرضنا ومن سيادتنا حتى التلات أربع وحتى لو وصل لتسعة وتسعين وواحد من عشرة، التسعة من عشرة حتبقى برضه من أرضنا ومن سيادتنا.. منطق غريب وشطاره غريبه شوية أو معرفش اذا كانوا بيتصوروا أن ما حدش فاهم أو بيحلل أو بيتنبه لهذا طبعا اذا سلمنا احنا بهذا الكلام معناه أنه نقول لهم طيب لما نيجى نعرض مشكلة الأرض ونيجى لمنتصف الطريق، هى اسرائيل بتتكلم على أرض مين ده على أرضى أنا ما بتتكلمش على أرضها هى، يبقى في النص عندى النص راح منى برضه من أرضى والسيادة ده كلام منطق غريب مغالط، بعثت تعليماتى لمحمد كامل قلت له كمل وما لديك من تعليمات واضح سواء من نتيجة اجتماع مجلس الأمن القومى أو مما أصدرته له برضه في مجلس الأمن القومى تانى يوم وقعت الواقعة.

<13>